Eresí Rodríguez Pousa

Nace en Estás-Tomiño no ano 1983. É diplomada en Maxisterio pola Universidade de Vigo.

Comeza a súa andadura musical a idade de doce anos no seo da Agrupación Musical de Goián da que é membro fundador, da man de Don Juan Carlos Díaz Álvarez, onde comezou a estudar saxofón e gaita.

No ano 2000 accede o Conservatorio Profesional de Música de Tui, onde no 2006 acada o Título Profesional de Música, na especialidade de Saxofón.

Realiza varios cursos de perfeccionamento co mestre Don José Luís Represas Carrera. Participa no “I Curso Internacional de Saxofón Merza 2005”, impartido polos mestres Pablo Coello e Marie-Bernadette Charrier, profesora do Conservatorio de Burdeux. Acode tamén ó “II Curso Internacional de Saxofón Merza 2006”, impartido por Rodrigo Pérez Vila, profesor do Conservatorio de Palmas de Mallorca, Marie-Bernadette e a pianista acompañante Hilomi Sakaghuchi e o "III Curso Internacional de Saxofón Merza 2007" con Rodrigo Pérez Vila eMarie-Bernadette..

Impartiu clases extraescolares de música no Colexio Pedro Caselles Beltrán e de saxofón e gaita na Escola da Banda de Música Popular de Tui.

Foi invitada como saxofonista solista ó “I Encontro/Convivió Transfronteiriço de Jovens Instrumentistas”, Valença-Portugal.

Durante o curso escolar 2004-2005 realiza unha xira musical cun grupo de cámara polos Auditorios de Caixanova como instrumentista: “As formas na música”, para actividades musicais escolares, dirixidas por Doña Carmen Losada e Don Juan Carlos Díaz Álvarez.

Convidada polo Axuntamento da Guardia como instrumentista solista en varios actos culturais.

É membro do Cuarteto de Saxofóns “RESAX” de Santiago.

Na actualidade, estuda saxofón con Don José Jorge Vicente Amorío, é mestre de música nas escolas de Antas e Friestas en Valença-Portugal, e mestre de solfexo e gaita na Agrupación Musical de Goián.